Competitive Exam bolthei phabep

Na-lekhasim hi ipi ding’a sim nahim ti nagel khah em? Chihna-thepna lam’a minung kaphah-a, mitoh kakibah nading ahi tia nagel em? ‘Ipi jeh-a lekha nasim ham?’ tin kidong leuhen ilunggel-u achom cheh himai thei ahi. Ahin atamlang hi natoh (service) dei ihi diu tahsan aum’e. Hijeh chun Competitive exam bolding thanom’a aphatcha kigo nom hoding in anoija hin competitive exam bolthei phabep ahung kitah lang’e. Exam leh Eligibility criteria ho itah lang maimai’u ahin, detail vang kipe lou ahi.

1. UNION PUBLIC SERVICE COMMISSION (UPSC)

Service ijat umjong leh UPSC hi akiha seipen chu ahi. Ahin UPSC in kumseh a abol exam hi khatseh ahipon, tampi ahi’e. Hiho lah-a phabep ana veu hite.

(I) Civil Services Examination (CSE): Civil service exam hi stage-3: Preliminary, Main (Written), chule Interview aum’e. CSE hin IAS, IPS, IFS, IFoS, IRS, IDAS, IA&AS, IDES, chule service dang 20 vel agom’e.

Educational Qualification (EQ): Any Graduate (pass/appearing)

Age: 21-30 (5 year age relaxation for ST)

Exam process: Written (Prelim & Main); Personality Test (PT)/Interview

Interval: Once in a year

(II) Indian Forest Service (IFoS): Hiche service hi form kilha a pat Prelim chan CSE toh kigom’a, Main (Written) leh Interview hi achom’a kibolji ahi. CSE a ding in ipi subject kila jong leh Graduate ihi pouleh ahithei in, IFoS a ding in Animal Husbandry & Veterinary Science, Botany, Chemistry, Geology, Mathematics, Physics, Statistics, Zoology, B.Sc (Agriculture, Forestry, or Engineering), etc. hohi khat pen pen lah angaiye.

(III) CAPF (AC): Central Armed Police Force (Assistant Commandant) exam hi Assistant Commandant a ding a kibolji ahi. CAPF kitihi BSF, CRPF, ITBP, SSB chule CISF ho kiseina ahi. Hiche-5 lah a hin numei hon CRPF, CISF, chule SSB bou alhen thei ahiye.

EQ: Any Graduate (pass/appearing)

Age: 20-25 (5 year relaxation for ST)

Exam process: Written; Physical & Medical (PET/MET); PT/Interview

Interval: Once in a year

(IV) Combine Defence Service (CDS): CDS exam hi kumkhat le nivei (CDS-I, CDS-II) aum’e. Hiche hi Army, Navy, chule Air Force a permanent leh Short Term (OTA) a Official rank a lut nathei exam ahi. Hiche exam bolthei ding hochu:

EQ: Army (Any Graduate); Navy & Air Force (B.Sc)

Age: 19-23 (24 for OTA) (No Age relaxation)

Exam process: Written & PT/Interview

Interval: Twice in a year

(V) NDA & NA: National Defence Academy & Naval Academy hi Army, Navy, chule Air Force a official rank a lut nading exam chu ahi. CDS toh akikheh na chu 10+2 level ahi. Chule Class-XII a lut hijong leh CDS ho sang in akaisang jo jiuvin, Army, Navy chule Air Force a alubuh hokhu NDA jeng ahi jiuve.

EQ: for Army: 10+2 in any discipline; for Navy & Air Force: 10+2 (with Physics and Mathematics), (pass/appearing)

Age: 16.5-19 (no age relaxation)

Exam process: Written & PT/Interview

Interval: Twice in a year

(VI) Special Class Railway Apprentices (SCRA):

EQ: 10+2/Graduate (with Physics/Mathematics; passed or appearing)

Age: 17-21 (age relaxation available)

Exam process: Written & PT/Interview

Interval: Once in a year.

(VII) Other Exams Conducted by UPSC: UPSC in alah exam hi adang tampi aum nalaiye. Hetthei ho chu: Indian Economic Service/Indian Statistical Service (IES/ISS); Geologist Exam; Engineering Services Exam; Common Medical Services Exam; Section Officers/Stenographers Exam; chule Departmental exam dang dang ho ahi. Hiche kalval jong hin Central government in aphat phat a angense dungjui in Exam dang jong abol ji. UPSC exam ho a thanom hon website vetjing thei ahi.

*(http://www.upsc.gov.in/) *(http://upsconline.nic.in/)

2. STAFF SELECTION COMMISSION (SSC)

SSC hi UPSC noitah a um ahi tithei ahi. Ajeh chu UPSC hin Central Service (Gazetted/Officer Rank) ho ding exam abolji ahi in; SSC hin Officer Rank hilou (Non-Gazetted post) ho a ding a exam abolji ahi. Ahin, anigel’a All India Service leh Central Service ho recruit bol ahicheh lhon’e.

(I) CGL (Combined Graduate Level): CGL hi SSC in alah exam ho lah-a hetthei pen, competitive exam thanom hon aha deisah pen chu ahi. Kumseh leh CGL exam a kon hin tohmun-30 vel a ding akikou ji. Chule 2015 kum chun SSC-CGL candidate-17,86,047 ana phajou’e.

EQ: Graduate (post dungjui a subject kibanglou)

Age: 20-27/18-27 (depending on the posts; 5 year age relaxation for ST)

Exam process: Written (Tier-I; Tier-II); & PT/Interview (Hiche exam ahin Interview post jong aum’in, Non-Interview post, ahilou leh Skill Test umna jong aum’e)

Interval: Once in a year

(II) CPO (Central Police Organisation): Masang a CPO tia ana kihe ahin tuhin Sub-Inspectors in Delhi Police, CAPFs and Assistant Sub-Inspector in CISF Exam tia joh het ahitai. Hiche exam hi CAPF leh Delhi Police a ding’a Sub-Inspector (SI) leh CISF a ding a Assistant Sub-Inspector (ASI) kilah na ding ahi.

EQ: Any Graduate

Age: 20-25 (5 year age relaxation for ST)

Exam process: Written (two stage); PET/MET; PT/Interview

Interval: Once in a year

(III) 10+2/CHSL: Combined Higher Secondary Level Examination, agomlam’a SSC (10+2) tia kihe hiche exam hi eiho hetthei ding in Clerk a ding ahi. Ahin Clerical Level hijong leh Central Service ahitah jeh in deisahmo na aum poi. CHSL a ding’a apoimo pen chu ‘Computer Typing’ ahi.

EQ: 10+2

Age: 18-27 (5 year age relaxation for ST).

Exam process: Written and Skill Test (English Typing @35 word per minute)

(Time allowed for typing: 10 minutes)

Interval: Once in a year

(IV) Steno (Grade C & D): Stenographer Grade C & D Exam hi masang chun Written leh Interview ana kibolji in, hinlah Central Government thulhuh dungjui in Grade C & D a din Interview aum tapoi. Ahin Stenography vang theptei angaiye.

EQ: 10+2

Age: 18-27 (5 year age relaxation for ST)

Exam process: Written/Online Test; Skill Test (Stenography)

Interval: One in a year

(V) CAPF Constable: Masang chun sepai pang ding hohin Class-VIII certificate khat akichoi’a lhei-le-chop ahat pouleh moh hithei jeng dan in ana kigel in; tuvang hin SSC in phatah in a-conduct tai. Chule hiche exam hi Constable (CISF, BSF, CRPF, ITBP, SSB, NIA, SSF) leh Assam Rifles/Riflemen hina ding ahi.

EQ: Matriculate/Class-X pass

Age: 18-23 (5 year age relaxation for ST)

Exam process: Written; Physical & Medical Test

Interval: Once in a year

SSC in conduct abol hi hiche ho tilou in jong tampi aum’e. Detail hetnom hon SSC official website (http://ssc.nic.in/) leh SSC-Northeast Region website (http://www.sscner.org.in/) a detail vet jing thei ahi.

3. MANIPUR PUBLIC SERVICE COMMISSION (MPSC)

MPSC hi phat sottah mi tahsan theilou in ana um’in, hinlah achesa kum phabep sung hin hatah in Recruitment ahin bol tan ahi. Phatseh in suhkhel (mistake) neocha cha umji jong leh MPSC sum nehguh lam akiseikha tapon, khangthah te ding a kinepna thei tah chu ahi tai.

(I) MCSCCE: MPSC Exam tampi umjong leh Manipur Civil Service Combined Competitive Examination (MCSCCE) hi akiha hetpen chu ahi. Hiche exam hin MCS, MPS, Manipur Finance Service (MFS), SDC, Manipur Secretariat Service (MSS), & Election Officer (EO) recruit abolji ahi.

EQ: Any Graduate

Age: 21-30 or more (5 year relaxation for ST)

Exam process: Written (Preliminary); Main (Written); Interview/Personality Test

Interval: Once in a year (kumseh a akibol joulou phat jong aumji)

(II) Other Exams Conducted by MPSC: MPSC hin itobang exam ho conduct abol ding ham tihi akisei pon, hinlah Manipur Government in aphat phat a angensa na ho chu abol ji ahi. 2014-15 sung’a Exam ana bol ho lah-a hetthei jep ho chu: Higher Secondary Lecturer; Assistant Professor (College Teacher); Manipur Education Service (MES); Deputy Director (TRI); Office Assistant; Assistant Engineer (AE), Section Officer-Grade I & II, etc. (Engineer); Additional Government Advocate; Manipur Health Services (MHS) Grade-III & Grade-IV (MO); Executive Officer & Assistant Executive Officer (MAHUD-EO/AEO); chule Departmental Exam ho ahiuve. MPSC exam chungchang’a hetbe nom hon MPSC-website vetjing thei ahi:

*http://mpscmanipur.gov.in/ OR *http://www.empsconline.gov.in/

4. BANKING & ITS ALLIED SERVICES

Banking service hi masang chun ana kiha deisah beh pon; hinlah tukhang hin khangthah hon aha deisah loitah service ahung hi tai. Bank a natong ho din Tolop (pay) ahoi in, facility hojong government service ho a sang in akitup jo’e. State employee ho bang’a tolop mulou tiho umlou ahi.

(I) Institute of Banking Personnel Selection (IBPS): Bank exam tampi umjong leh IBPS hi akiha seipen chu ahi. IBPS hin kumseh leh IBPS in ahop Bank-19 ho a ding’in Bank PO (Probationary Officer), leh Clerk exam abol ji. Bank 19 jen kigom ahijeh in post atam ji. PO le Clek tilou in RRB le Specialist Officer exam jong abolji’e.

A. IBPS-PO:

EQ: Any Graduate

Age: 20-30 (5 year relaxation for ST)

Exam process: Common Written Examination (CWE) (Online Exam: Prelim & Main); Interview

Interval: Once in a year

B.IBPS-Clerk:

EQ: Any Graduate.

Age: 20-28 (5 year relaxation for ST).

Exam process: CWE (Online: Prelim & Main); and Interview.

Interval: Once in a year

C. CWE-RRB: Hiche Exam hi Regional Rural Bank (eg. Manipur Rural Bank, etc) ho a ding a IBPS in abol exam ahi. Hiche a hin Officer leh Office Assistant (Multipurpose) aum’e. Exam dang toh akikheh nachu RRB a ding hin Local Language khatbeh het angaiye.

EQ: Graduate (depending on the post/grade)

Age: depending on the Post/Grade

Exam process: CWE (Online); Interview; etc

Interval: Not specified

D. Specialist Officer: IBPS hin Specialist Officer jong akou ji’e. IBPS toh kisai exam ho detail henom hon IBPS website (http://www.ibps.in/) vetji thei ahi.

(II) State Bank of India (SBI): SBI jong hin Probationary Officer (PO) leh Clerk a din exam abolji’e. PO/Clerk exam hi kumseh leh SBI a din khatvei cheh; chule Associate Banks of SBI a din khatvei cheh ma abolji.

A. PO (SBI/Associate Banks):

EQ: Any Graduate

Age: 21-30 (relaxable for ST)

Exam process: Online Exam (Prelim & Main); PT/Interview & Group Discussion

Interval: Once in a year

B. Clerk (SBI/Associate Bank):

EQ: Any Graduate

Age: 21-28 (relaxable for ST)

Exam process: Online Exam (Prelim & Main); & PT/Interview

Interval: Once in a year

Hiche ho tilou hin Specialist post hojong akouji’e. Lunglutna neiho ding in SBI website (www.sbi.co.in) a vetthei ahi. Banking exam ho, adeh a SBI leh IBPS, aphatna hi Exam seh leh Pre-Exam training manbei (free) in apeji uve.

(III) Reserve Bank of India (RBI): RBI jong hin kumseh leh Officer, Assistant, chule Specialist Officer ho akou jing’e. Banking hicheh jong leh Exam kiboldan hi SBI leh IBPS toh akibang pon; post jong alhomjo ji’e. Detail henom hon RBI website (https://www.rbi.org.in/) a vetji thei ahi.

(IV) Private Banks: Banking lam’a thanom ho ding in Public Sector Bank (PSB) khel khel hihih jong leh Private/Co-operative Bank tampi aum’e. Hiche ho jong hi try thei ahi.

5. CAREER IN INSURANCE

Insurance lampang jong hi phat masa lai in ana kiha sei behseh poi. Hinlah tukhang hin khangdong hon adeisah tah natoh khat in aum doh tan ahi. Isurance lam akiti teng LIC hi akiha hetpen hijong leh adang jong tampi aum’e. Insurance lamtoh kisai Public Sector Unit (PSU) hetthei dom hochu Life Insurance Corporation of India (LIC), Mumbai; New Insurance India Limited (NICL), Kolkata; United India Insurance Company (UIIC), Chennai; New India Assurance Company Limited (NIA), Mumbai; chule Agriculture Insurance Company of India Limited (AIC), New Delhi, etc. ahiuve. Hiche PSU hohin kumseh le Administrative Officer (AO) leh Assistant Exam abol jing uve (LIC vang hin AO tilou in Assistant Administrative Officer (AAO) joh aminsah-e). Exam hi alhangpi a kibang ahijeh in agomlam’in ana lakhom taute. Chule AO/AAO post hi Generalist leh Specialist tin akikhen’e.

(I) Administrative Officer (AO/AAO):

EQ: Any Graduate (for Generalist); & for Specialist, it differs from post to post

Age: 21-30 (5 year relaxation for ST)

Exam process: Written (Online); PT/Interview

Interval: Depending on the need of the PSUs

(II) Assistant Exam:

EQ: Any Graduate (or 10+2 for some PSUs); Knowledge of Local Language. Other criteria remained the same with AO/AAO.

Hetding a pha: Banking leh Isurance exam hohi Sectional Cut-of um ahijeh in koima pou alolhing jipoi. Hijeh hin practice kihabol ngai exam hochu ahi. Hinlah advantage aumna chu Exam Pattern kilou (similar) ahijeh in akigong nom hoding’a kopthei jeng ahi.

6. CENTRAL SERVICES

Thinglhang miten ideisah pen uchu Central Service ahilou leh All India Services ho hi ahinom ji. UPSC leh SSC tilou a Central Service lut nathei tampi aum’e. Intelligence Burreau (IB) in conduct abol ACIO-II exam hi khat ahi. Vannoi pumpi a natong-mi (employee) tamneipen a kihe ‘Indian Railways’ hi Manipur train hunglut vahding ahi tahtoh kilhon in kinepna theitah chu ahi. CRPF, BSF, CISF, etc. hohin kumseh leh ASI (Steno) leh Head Constable (Ministerial) akou jing uve. Hiche kalval hin Centre service simsenlou aum’e.

7. TEACHING PROFESSION

(I) College/University Teacher: College leh University Teacher hohi Assistant Professor, Associate Professor, & Professor tin akikhen’e. Assistant Professor a lutthei nadin: Master with NET/SLET hi angaiye. Chule NET Exam bolthei nadin Master (MA/M.Sc/etc.) hi angai kit-e. NET mai mai hilou’a JRF neiho leh Academic Performance hoi ho din Assistant Professor mu hi abai jep kit-e. Alhangpi in University leh College a natong hohi Academic/Academician, ahilou leh Scholar tin het ahiuve. Ajeh chu teaching seh hilou’a Research lamtoh kisai a natong ahiuve. Scholar khatchu Oja hikhel hih jong leh Research Institute leh Think-Tank lah a jong na atoh jeng thei ahi.

(II) Lecturer/Teacher: Lecturer (upto class-XII) hina din Master chai tei tei angaiye. Chule Graduate Teacher (upto class-X); Upper Primary Teacher (VI-VIII) chule Lower Primary Teacher (upto class-V); ho a ding hin PG/Graduate/10+2 plus CTET/TET, B.Ed, DIET, etc. tiho hi angaiye.

8. MEDICAL & ENGINEERING

Medical le Engineering hi masang chun phaicham miho a dan’in ana kigel in tuvang hin Eimite lah a jong mi atam lheh tai. Adeh in MBBS hi eiho insung ah jong phabeppi inei tauve. MBBS thanom jousen CBSE-NEET (National Eligibility cum Entrance Test) aki maitopi angaiye. MBBS, Engineering, ahilou leh B.Sc (Nursing) hohi 10+2 (Science) a lutthei ding jeng ahi. Chule Nurse (ANM/GNM) vang hi Matriculate/10+2 pou pou hithei na aum’e.

9. STATE SERVICES (MANIPUR)

Manipur government hi Corruption toh kivetbeh jeng jong leh Service hol hodin moh notthap thei ahi poi. Ajeh chu kumseh leh natoh tampi akou ji ahi. Hetthei din, MPSC, Police/IRB (SI, ASI, Constable/Riflemen), SSA, RMSA, MSPDC (Power), Panchayat, chule Department dang tampi aum’e. MPSC tilou State Government noiya natoh kikou hohi Employment Exchange a ‘Registered’ hi angai nom ji’e.

10. OTHER OPPORTUNITIES

Natoh kiti hi Government Service, ahilou leh Competitive Exam khel khel a kichai ahipon tohthei tampi aum’e. Simding hileh kisim joulou maithei ahi. Achung a hung kiminphah ho kalval in: Journalism, Tourism, Fashion/Designing, Social Activism, Art/Writing, sports tiho jong hi vetthei jeng ahi. Hoiche pen hi hijong leh thanopna (interest) nei angaiyin, aset nale aphatna (anop naleh ahahsat dan) jong het angaiye. Hetna inei teng ibol ho lolhing thei ahi.

Ipi line a cheding hijong le hen hetna lhasam pum’a hithei lou ahijeh in Lekhasim thase thei ihi pouve. Lekha hasim in sim utin, hetna lam’ah mi toh bang leuhen Pathen in alampi gonpeh lou’a eikoi louhel diu ahi. Doctor, Engineer, Officer, Public Leader, Hou-Lamkai, Nam Lamkai, Professor/Scholar, Artist/Sculptor, Writer, Entrepreneur, Businessman, Contractor/Builder, Scientist/Astronaut, Sportsperson....... hiho hi eiho jong ihimo’u ahipoi. Pathen song in pang leuhen nikhat teng lolhinna imu uva, tu-nikho sang’a hi iloupi joh diu ahi.

Hiche a hung kisei hohi khangthah ho, adeh-a Matric/XII hin chai ho, ilungkot-u akihon a hitobang exam/natoh hohi imasang uvah aum’e ti ihet nading uva hung kitah lang mai mai ahi. Seilou, seilhing lou, chule adihlou jong um ding ahi. Ilunglutna Line ikivet uva eima cheh in iki kholbe thei nadiuva hiche hi hung kilakhom (compiled) mai mai ahi. Aphat phat a thil kikhel ahi jeh-in Newspaper/Employment News, Internet/Website, chule Guide book ho simjing a, ei-khoukhah thei ichung a senior hojong kidoh jing ding ahi. Pathen in insung mite jouse ei-mapui jing tauhen!

(TPO-EduCOM "Felicitation cum Thanksgiving Programme", 11-June-2016)

***********************************

The End